O‘ZBEKISTONDA MONITORING, HISOBOT BERISH VA TEKSHIRTISH MRVTIZIMINI JORIY ETISH

Аннотация

Bugungi kunda mamlakatimiz atmosfera havosini haddan tashqari ifloslanishi kabi muammoga duch kelmoqda. Shuningdek, issiqxona gazlari miqdorining atmosfera havosida haddan tashqari ko‘payishi natijasida yer havosining harorati tobora ko‘tarilmoqda. 2011- 2020 yillar insoniyat tarixidagi eng issiq o‘n yillik bo‘ldi. 1980 yildan beri harorat har yili ko‘tarilib, issiqlik bilan bog‘liq kasalliklarning ko‘payishiga va ochiq havoda ishlashda qiyinchiliklarga olib keldi. Qolaversa, suv tanqis hududlarda yashovchi aholining turmush sharoiti ham yomonlashdi. Suv tanqisligi qishloq xo‘jaligiga ham ta’sir qiladi va natijada hosilning yo‘qolishi tufayli oziq-ovqat xavfsizligi tobora qiyinlashib bormoqda. Bundan tashqari, cho‘llanish natijasida ekin maydonlarining miqdori kamayib, yerlarning degradatsiyasi kuchayadi, cho‘l maydonlarining ko‘payishi natijasida havoga ko‘p miqdorda qum zarralari ko‘tarilib, havoning ifloslanishi ortadi.